အမျိုးသားအားကစားပွဲတော်များကို အောက်ပါအတိုင်း ၄ ကြိမ် ကျင်းပခဲ့ပြီးဖြစ်ပါသည်-
ရန်ကုန်မြို့တွင် (၃-၅-၁၉၉၂) မှ (၁၆-၅-၁၉၉၂) အထိ အားကစားနည်း ၂၂ နည်း။
ရန်ကုန်မြို့တွင် (၂၅-၁-၁၉၉၄) မှ (၆-၂-၁၉၉၄) အထိ အားကစားနည်း ၂၄ နည်း။
ရန်ကုန်မြို့တွင် (၁၁-၁-၁၉၉၇) မှ (၂၄-၁-၁၉၉၇) အထိ အားကစားနည်း ၂၉ နည်း။
နေပြည်တော်တွင် (၁၃-၂-၂၀၁၅) မှ (၂၈-၂-၂၀၁၅) အထိ အားကစားနည်း ၂၇ နည်း။
ပဉ္စမအကြိမ် အမျိုးသားအားကစားပွဲတော်ကို ၂၀၂၄ ခုနှစ်၊ ဒီဇင်ဘာလ ၉ ရက်နေ့မှ ၂၀ ရက်နေ့အထိ နေပြည်တော် ဝဏ္ဏသိဒ္ဓိ Sports Complex အတွင်း ဝန်ကြီးဌာနအဆင့် အားကစားနည်း ၆ နည်း၊ ပြည်နယ်နှင့်တိုင်းဒေသကြီးအဆင့် အားကစားနည်း ၂၃ နည်းနှင့် မသန်စွမ်းအားကစားနည်း ၄ နည်းတို့ဖြင့် ကျင်းပပြုလုပ်သွားရန် စီမံဆောင်ရွက်လျက်ရှိပါသည်။
ဖွင့်ပွဲအခမ်းအနားကို ၂၀၂၄ ခုနှစ်၊ ဒီဇင်ဘာလ ၉ ရက် နှင့် ပိတ်ပွဲအခမ်းအနားကို ဒီဇင်ဘာလ ၂၀ ရက်တွင် ကျင်းပ ပြုလုပ်သွားမည်ဖြစ်ပါသည်။
